Teitl Swydd: Cyfarwyddwr Trawsnewid, Strategaeth a Phobl
Lleoliad: Birmingham neu Gaerdydd (Hybrid)
Amdanom ni
CCW yw'r llais annibynnol angerddol, sy'n cynrychioli defnyddwyr dŵr yng Nghymru a Lloegr. Rydyn ni’n cefnogi miloedd o bobl bob blwyddyn, gan ddarparu cyngor a chymorth am ddim sy'n helpu pobl i ddatrys eu cwynion gyda'u cwmni dŵr mewn ffordd hawdd a gofalgar. Rydyn ni’n hyrwyddo anghenion a buddion pawb, gan gwblhau ac arddangos ymchwil sy'n dylanwadu ar gwmnïau dŵr, y llywodraeth a'r rheoleiddiwr i sicrhau newid.
Ein gwerthoedd:
Rydyn ni’n disgwyl ac yn cefnogi holl gydweithwyr CCW i ymgorffori a dathlu gwerthoedd CCW trwy egni cadarnhaol, parch at bawb, ysbryd arloesol, cyflawni ein haddewidion ac ymgysylltu fel un.
Beth fyddwch chi'n ei wneud
Rydyn ni’n chwilio am Gyfarwyddwr Trawsnewid, Strategaeth a Phobl i ymuno â'n tîm Gweithredol. Byddwch yn adrodd i'r Prif Swyddog Gweithredol, a byddwch yn aelod allweddol o Dîm Gweithredol CCW, sy'n gyfrifol am gefnogi, datblygu a gweithredu cynlluniau strategol CCW. Byddwch yn darparu arweinyddiaeth a chyfeiriad strategol ym mhob mater sy'n ymwneud â phobl, datblygu strategaeth, a rhaglenni newid CCW.
Noder: Mae hon yn rôl hybrid gyda gofyniad cyson i ymweld â swyddfa Birmingham, yn aml yn wythnosol. Bydd angen aros dros nos a theithio i rannau eraill o Gymru a Lloegr.
Am bwy rydyn ni’n chwilio:
Fel Cyfarwyddwr Trawsnewid, Strategaeth a Phobl, bydd gennych chi:
Y gallu i ddylanwadu a datblygu hyder ar bob lefel sefydliadol.
Arddull bersonol hyblyg sy'n hwyluso cyfathrebu rhagorol ar bob lefel.
Sgiliau arweinyddiaeth gyda phrofiad o arwain newid yn y sector cyhoeddus.
Gallu amlwg i ddylanwadu ar randdeiliaid allanol.
Profiad ymarferol o arwain ac ysgogi timau, meithrin diwylliant o welliant parhaus ac arwain drwy esiampl.
Gallu amlwg i gyflwyno rhaglenni cymhleth ledled y sefydliad.
Profiad o arweinyddiaeth strategol mewn sefydliad cymhleth, gan gynnwys gweithio'n agos gyda Byrddau fel rhan o Uwch Dîm Rheoli i gyflawni amcanion y sefydliad.
Ymrwymiad i hunanddatblygiad a dysgu parhaus.
Profiad o ddod â dealltwriaeth allanol i'n sefydliad sy'n annog twf drwy feincnodi.
Gwybodaeth am raglenni dylunio sefydliad a boddhad gweithwyr, gyda gallu amlwg i fesur cynnydd a sicrhau gwelliant.
Tystiolaeth o gynllunio da a galluoedd rheoli prosiectau.
Y gallu i feithrin perthynas waith gyda rhanddeiliaid ar bob lefel.
Profiad o reoli risg.
Cyflog a Buddion:
Cyflog cychwynnol o £70-75,000
Mae'r buddion yn cynnwys Pensiwn y Gwasanaeth Sifil, Gwyliau Blynyddol Hael, Opsiynau Gweithio Hyblyg, Gostyngiadau Manwerthwr a Gofal Iechyd/arian yn ôl, Benthyciadau Tocyn Tymor Teithio, Benthyciadau Beic, Rhaglen Cymorth i Weithwyr a llawer mwy.
